Тожикистон футбол федерациясининг расмий твиттери, «Ҳамдўстлик кубоги-2016» деб номланган мусобақада, Ўзбекистон ва Тожикистон ўсмирлари ўртасидаги оммавий муштлашувда мамлакат терма жамоаси иштирок этмаганини маълум қилди.
«Расман баёнот берамиз, Тожикистон футбол федерацияси бундай номдаги мусобақага жамоа юбормаган» - дейилади хабарда.
Эслатиб ўтамиз, аввалроқ Россиянинг Братск шаҳрида ўсмирлар ўртасида «Ҳамдўстлик кубоги-2016» мусобақаси финалида Ўзбекистон ва Тожикистон терма жамоалари оммавий равишда муштлашгани ҳақида хабар чиққан эди.
