Лиссабоннинг «Спортинг» клуби президенти Бруну де Карвалью Чемпионлар лигасидан ўрин олган «Реал» клубига қарши ўйиндан олдин Криштиану Роналдуни қадрдон клубига қайтариши ҳақида ўз фикрларини баён қилди.

«Криштиану Роналдуни қайтаришни орзу қиламан. Бизни тарк этган футболчилар билан яна шартнома имзолашга ҳаракат қиламиз. 2014 йили Нани билан ҳам шартнома тузган эдик.

Роналду фаолиятини уйида якунласа жуда зўр бўларди. У биз учун жуда кўп нарса қилган, у тинчлик элчиси. У биз ҳақимизда ҳар доим яхши гапирган, клубга бўлган муҳаббатидан тонмаган.

Албатта чоршанба куни у бизга қарши ажойиб ўйин ўтказади, бироқ уни тўхтатиб қолишга уриниб кўрамиз» - деди де Карвалью.

Эслатиб ўтамиз, Роналду "Спортинг" клубининг тарбияланувчиси ҳисобланади.