Англия терма жамоаси собиқ ҳужумчиси Гари Линекер Англия чемпионати молиявий жиҳатдан юқорига кўтарилаётгани ҳақида фикр билдирди.
"Албатта ҳозир Испания чемпионати дунё футболида юқори ўринда турибди ва биз буни Чемпионлар лигаси ҳамда Европа лигаси тимсолида кўриб турибмиз.
Охирги йилларда бизга суперюлдузлар келишмади.
Улар одатда «Реал» ёки «Барселона»ни маъқул кўришади. Аммо энди биз дунёнинг энг олди мураббийлари Англияга келаётганини кўрмоқдамиз.
Менимча яқинда энг яхши футболчилар ҳам бу ерга келишади. Чунки бу ерда дарҳақиқат катта пул айланмоқда", - дейди Линекер
