Рио—2016 Паралимпиадасида 32 нафар спортчи билан иштирок этган Ўзбекистон делегацияси тарихий натижа қайд этгани ҳақида МОҚ матбуот хизмати Telegram каналида маълумот берди.
Спортчилар сонига нисбатан қўлга киритилган медаллар сони бўйича Ўзбекистон делегациясининг натижасини ҳозирга қадар дунёнинг бирорта мамлакати қайд этган эмас. 32 нафар спортчи билан 31 та медалнинг қўлга киритилиши — спортчилар ва уларнинг сонига нисбатан медаллар кўрсаткичи бўйича Паралимпиада тарихидаги энг яхши натижа экани МОҚ хабарида қайд этиб ўтилган.
Бундан ташқари битта Паралимпиаданинг ўзида Ўзбекистон спортчилари 6 та жаҳон, 7 та Паралимпиада ва 12 та Осиёни рекордини ўрнатгани эътироф этилган.
