Италия чемпионатининг 4-турида «Интер» ўз майдонида «Ювентус»ни қабул қилди. «Италия дербиси» деб номланмиш бу тўқнашув жуда қизиқарли ўтди ва «нерадзурри»нинг ғалабаси билан якунланди.

66-дақиқада чап қанотдан жарима майдонига етказилган тўпни Лихтштайнер яқин масофадан дарвозага йўллаб, ҳисобни очди – 0:1.
Орадан 2 дақиқа ўтгач, бурчакдан оширилган Икарди боши билан дарвозага йўллаб, ҳисобни тенглаштирди.
78-дақиқада Икарди ўнг қанотдан тўпни жарима майдонига оширганида, Перишич боши билан аниқ зарба йўллаб, мезбонларни ҳисобда олдинга олиб чиқди.
Ўйин охиригача «Ювентус» харчанд уринмасин, ҳисобни тенглаштира олмади.
Натижада «Интер» ўйинда ғалаба қозониб, 7 очко тўплади ва мусобақа жадвалида 6-ўринга кўтарилиб олди. «Ювентус» эса пешқадамликни «Наполи» клубига топширди.

Италия чемпионати. 4-тур.
Интер – Ювентус 2:1
Голлар: 0:1 – 66 Лихтштайнер, 1:1 – 68 Икарди, 2:1 – 78 Перишич.
Интер – Ханданович, Миранда, Сантон (Мианге, 79), Д`Амброзио, Мурильо, Жоау Мариу, Медель (Мело, 75), Банега, Кандрева, Эдер (Перишич, 69), Икарди.
Ювентус – Буффон, Бонуччи, Кьеллини (Пьяца, 80), Алекс Сандро, Бенатия (Бардзальи, 26), Пьянич, Асамоа, Хедира, Лихтштайнер, Манджукич (Игуаин, 74), Дибала.
Огоҳлантириш: Лихтштайнер (19), Бардзальи (28), Асамоа (45), Медель (46), Банега (84).
Четлатиш: Банега (90).