Рио—2016 Олимпиадасининг бокс спорт турида Ўзбекистон терма жамоаси энг яхши натижа кўрсатиб, биринчи ўринни қўлга киритганди.

Паралимпиадада эса ўзбекистонлик дзюдочиларга тенг келадигани топилмади. Умумий ҳисобда 3 та олтин, 1 та кумуш ва 6 та бронзага эга чиққан ўзбекистонлик спортчилар дзюдо бўйича дунёнинг энг яхши терма жамоасига айлана олди.

Мамлакат делегацияси учун Шерзод Намозов (-60 кг), Ўткир Ниғматов (-66 кг) ва Одил Тулидабаев (+100 кг) олтин медаллар олиб берди.

70 килограммгача бўлган спортчилар ўртасидаги мусобақада гиламга чиққан Хайитжон Алимовага кумуш медаль насиб қилди.

Бронзани қўлга киритган олти ўзбекистонлик спортчи: Севинч Салаева (-52 кг), Турсунпошша Нурметова (-63 кг), Гулруҳ Раҳимова (-70 кг), Феруз Саидов (-73 кг), Шуҳрат Бобоев (-90 кг), Ширин Шарипов (-100 кг).