«Реал» ҳимоячиси Даниэл Карвахал «Эспаньол» (2:0) клубига қарши ўйиндан сўнг, ўтган мавсумда йўл қўйилган хатоларни такрорламасликлари лозимлиги ҳақида гапирди.

«Мавсум энди бошланди ва бизни катта масофа кутиб турибди. Чемпионат 38 ўйиндан иборат. «Реал» ҳар бир ўйинда уч очко олишни мақсад қилган. Ўтган мавсумда бир очко ортда қолиб, чемпионликни бой бердик. Шундай экан, ҳар бир очко муҳим ва биз уни ҳеч кимга улашмоқчи эмасмиз», - деди ҳимоячи.

Эслатиб ўтамиз, ўтган мавсумда «Реал» 90 очко билан иккинчи ўринда қолган, «Барселона» эса бир очко кўп ишлаб, чемпион бўлганди.