Германия чемпионатида мавсум якунлангандан сўнг, юқори ўринларни эгаллаган жамоалар ўртасида плей-офф ўйинларини ўтказиб, чемпионни аниқлашни жорий қилиш режалаштирилмоқда. Бу билан чемпионат ўйинларига бўлган қизиқишни янада ошириш кўзланмоқда.
«Иккинчи, учинчи, тўртинчи ўринни эгаллаган жамоаларга чемпион бўлиш имкониятини бериш – яхши ғоя. Плей-офф ҳақидаги гап-сўзларни пайдо бўлиши тасодиф эмас. Мен бу фикрга қўшиламан» - деди «Боруссия» Д бош мураббийи Томас Тухель бу ҳақда.
Эслатиб ўтамиз, шунга ўхшаш қоида Голландия чемпионатида ҳам мавжуд. Унда чемпионатда 5 – 8 ўринни эгаллаган жамоалар Европа лигаси йўлланмаси учун плей-офф ўйинларини ўтказади.
