«Челси» ярим ҳимоячиси Франсеск Фабрегас «Ливерпуль»га қарши ўйиндан сўнг (1:2), ўз фикрлари билан ўртоқлашди. 

«Ливерпуль»га қарши ўйин Фабрегас учун «Челси» сафидаги 100-учрашув бўлди. Футболчи ҳали узоқ вақт жамоада қолмоқчи. 

«Мазкур ажойиб клуб сафида 100-учрашувимни ўтказганим мен учун шараф», — деди испаниялик футболчи. 

«Эртанги кундан бошлаб, «Челси» сафида яна 100 та учрашувда майдонга тушишга умид қиламан», — дея қўшимча қилди Фабрегас.\ 

Фабрегас жорий мавсум «Челси» сафида ҳали бирорта учрашувда асосий таркибда майдонга тушмади. 

Футболчига Италиянинг «Милан» клуби қизиқиш билдираётгани ҳақида хабарлар бор.