«Манчестер Юнайтед» бош мураббийи Жозе Моуринью ва жамоа ҳужумчиси Уэйн Руни ўртасида низо юзага келди. Шу сабабли ҳужумчи жамоанинг яқин орада бўладиган ўйинларида майдонга тушмайди.
The Sun нашри ахборотига кўра, Моуринью футболчининг ҳозирги жисмоний ҳолатидан қониқиш ҳосил қилмаяпти. Шу муносабат билан, Рунининг «Лестер Сити»га қарши АПЛ учрашувида майдонга тушиши сўроқ остида.
Эслатиб ўтамиз, «МЮ» барча мусобақалар доирасидаги сўнгги уч ўйинда кетма-кет мағлубиятга учради.
АПЛ 6-тури доирасидаги «МЮ» — «Лестер» учрашуви 24 сентябрь куни ўтказилади. Ўйин Тошкент вақти билан 16:30 да бошланиши режалаштирилган.