Рио-2016 олимпиадасидаги эркин кураш бўйича бронза медали учун ўтказилган беллашувда, ҳамюртимиз Ихтиёр Наврўзовга рақиблик қилган мўғулистонлик Ганзоригга мураббийлик қилган икки мутахассис узоқ муддатга спортдан четлаштирилди, деб хабар бермоқда Hot.su.
Эслатиб ўтамиз, мўғулистонлик мураббийлар ҳакамларнинг ғалабани Ихтиёр Наврўзовга бериш ҳақидаги қароридан норози бўлиб, ечинишган эди. Бу ҳақда мана бу жойда хабар берган эдик.
UWW ташкилотининг қарорига кўра, мураббийлар Цогтбайар Церенбаатор ва Бямбаринчен Байара уч йил муддатга спортдан четлатилди. Мўғулистон кураш федерацияси эса 50 минг швейцария франки миқдорида жаримага тортилди.
