Бразилия терма жамоасининг собиқ ҳимоячиси Лусио терма ҳужумчиси Неймарнинг сардорлик боғичидан воз кечиш ҳақидаги қарорини тушунишини маълум қилди. 

Эслатиб ўтамиз, «Барселона» клуби ҳужумчиси жуда катта масъулият ва ҳаддан ташқари кўп босимни ҳис қилаётгани сабаб, Бразилия термаси сардорлигидан воз кечган эди. 

«Неймарнинг қарори тушунарли. У миллий терма жамоада асосли равишда ўзини яхши қилиши керак», — деди Лусио. 

«Агар Неймар маълум бир вақт ўзининг энг яхши ўйинини кўрсата олмаётганини ҳис қилган бўлса, бундай ҳолда у энг тўғри қарорни қабул қилган», — деди «Байер», «Бавария» ва «Интер» клубларининг собиқ футболчиси Лусио.