Пойтахтимиздаги “Олимпия шон-шуҳрати” музейида 22 сентябрь куни ХВ ёзги Паралимпия ўйинлари ғолиб ва совриндорларини тақдирлашга бағишланган маросим бўлиб ўтди.


– Паралимпия ўйинларида ғалаба қозонишни ўз олдимга мақсад қилиб, бу йўлда тинимсиз ҳаракат қилдим, – дейди Одилжон Тўлендибоев. – Ниятимга етганимдан, нуфузли мусобақада Ватанимиз байроғини баланд кўтариш насиб қилганидан жуда бахтиёрман. Халқаро майдондаги бундай юксак ғалабаларимиз мамлакатимизда биз, ёшларнинг бахтли ҳаёт кечиришимиз, таълим-тарбия олишимиз, жисмоний тарбия ва спорт билан шуғулланишимиз, иқтидор ва салоҳиятимизни намоён этишимиз учун яратилган кенг имкониятлар туфайлидир.

Паралимпия ўйинларида иштирок этган спортчиларимизнинг барчасига “Малибу” автомобили топширилди.