Ўсмирлар ўртасидаги Осиё чемпионатида сўнгги тур ўйинлари бўлиб ўтмоқда. Ўзбекистон ўсмирлари КХДР билан куч синашмоқда.
Ўйиннинг иккинчи бўлимида камдан-кам кузатиладиган воқеа юз берди. Дарвозабонимиз Жасурбек Умрзоқов тўпни ўйинга киритиш учун кучли зарба йўллаганида, негадир КХДР дарвозабони олдинга чиқиб кетди ва ҳаводан келаётган тўпни ушлаб қололмади. Тўп дарвоза томон оҳиста йўл олганда уни қувиб етаман деб, тойиб йиқилди. Натижада тўп дарвозага кириб кетди.
Ўйин шарҳловчиси Мурод Ризаев уни ҳаракатини «ажойиб актёрлик» деб таърифлади. Ўйин давом этмоқда.
Эслатиб ўтамиз, ҳар иккала жамоа кейинги босқичга чиқиш масаласини ҳал қилган.
