Бугун "Навбаҳор" жамоасини қийин учрашув кутиб турибди. Ўтган турдаги мағлубият жамоа мухлисларининг ҳафсаласини пир қилгани рост. Агарда жамоа бугун ҳам мағлуб бўлса, "Навбаҳор" жуда қийин аҳволда қолади. "Пахтакор"га қарши учрашув олдидан ҳар икки жамоа ўйинчиларидан ўйин олди фикрларини олдик.

Дилшод ЖАББОРОВ ("Навбаҳор"): - Учрашув албатта оғир ўтади. "Пахтакор"ни мана бир неча йилдан бери Наманганда мағлуб эта олмаяпмиз. Албатта, қора анъанага барҳам берган ҳолда, ғалаба қозониш учун барча ишни қиламиз. Жамоамизда барчаси кўнгилдагидек. Фақатгина бироз тиришқоқлик етишмаяпти, назаримда. Мухлисларимизни бугун албатта хурсанд этамиз!