“Бунёдкор” – “Қўқон-1912” учрашувидан кейинги матбуот анжуманининг иккинчи қисмида “қалдирғочлар” устози Сергей Лушчан қатнашди.

- Агар сўнгги учрашувларимизни оладиган бўлсак, бугун яхши ўйнадик. Ҳисобдан ҳам, натижадан ҳам қониқдим. Яхши ўйин бўлди, голлар чиройли, умуман ҳаммаси кўнгилдагидек ўтди. Бугун футболчилар мураббийлар штаби истаган ўйинни намойиш этиб беришди. Бунинг учун уларга миннатдорчилик билдираман. Таркибда амалга оширилган ўзгаришлар тиғиз тақвим билан боғлиқ. Олимизда кетма-кет учрашувлар борлиги учун ким бугунги кунда тайёр бўлса ўшаларга имконият берамиз. Бутун мавсум давомида бир текисда, барқарор ўйин намойиш этиш қийин. Комилов қизиққон футболчи. У қанот футболчиси эканлигини баъзи ҳолларда унутиб қўяди. Шу боисдан ҳам унга қанча кўп гапириб турсак шунча яхши. Лекин тан олиш керак, у яхши ўйин кўрсатмоқда, - дейди Сергей Иванович.