«Барселона» ярим ҳимоячи Серхи Роберто билан янги шартнома имзолашни режалаштиряпти.
Испаниялик 24 ёшли футболчининг Каталония клуби билан амалдаги шартномаси 2019 йилга қадар мўлжалланган.
Амалдаги шартнома бўйича, мазкур футболчини сотиб олиш истагини билдирган клуб «Барселона»га 40 млн евро тўлаши керак.
«Барселона» Роберто билан келишувни 2021 йилга қадар узайтиришни ва товон пули миқдорини оширишни режалаштирмоқда.
El Mundo Deportivo хабарига кўра, «Барселона» томони футболчининг агенти Хосеп Мария Оробитго билан бу борада музокаралар ўтказган.
