Вилоятимиз шарафини ҳимоя қилаётган жамоаларимиз ўтган турда ўз рақиблари дарвозасини 4 мартадан ишғол қилишганди. Бу турда эса, «ўқ»лари тугаб қолганми, фақат биттадан гол киритишди.
«Норин» кеча «Ғиждувон» меҳмони бўлиб минимал ҳисобда зафар қучди. Шохруҳ Достоновнинг ягона голи ҳаққулободликларга 3 очко келтирди. Қолган икки жамоамиз эса жуда нотекис ўйин кўрсатмоқда. «Косонсой» бугун қандайдир 2 дақиқа ичида тайёр ғалабани бой берган бўлса, меҳмонда чиройли ўйин кўрсатган «Хотира-79» кутилмаганда «Пахтакор-2»га мағлуб бўлди.
28-тур.
«Ғиждувон» - «Норин» 0:1
Гол: Ш. Достонов (42)
«Косонсой» - «NBU-Осиё» 1:2
Голлар: А. Хожимирзаев (35, пенальти) – М. Умурзоқов (79), О. Абдуҳолиқов (81).
«Хотира-79» - «Пахтакор-2» 1:4
Голлар: С. Абдуллаев (84, пенальти) – О. Нурматов (10), А. Маҳкамбаев (35), Б. Тошмирзаев (44), Б. Ҳолиев (85).
