26 сентябр куни Тошкентда жойлашган Республика Олимпия заҳиралари теннис мактаби кортларида “Тashkent Open 2016” – халқаро аёллар турнири доирасида 9та учрашув бўлиб ўтди.

Мусобақаларнинг амалдаги ғолиби Нао Ҳибино ўзбекистонлик ёш теннисчи Камола Умарова билан учрашди. 22 ёшли япониялик теннисчи устунлигида ўтган баҳс 6:3, 6:1 ҳисобида Ҳибино ғалабаси билан якун топди. Бошқа бир япониялик теннисчи Ҳироко Кувата эса биринчи даврада Чехия вакили Денисса Аллертовадан мағлубиятга учради.

Мусобақаларда иштирок этаётган яна бир ўзбекистонлик теннисчи Сабина Шарипова ҳам биринчи даврада Штефан Фёгелга қарши кортга чиқди. Узоқ давом этган учрашув 7:5, 5:7, 7:5 натижасида швейцариялик теннисчининг ғалабаси билан якун топди. Қуйида куннинг яна бир қатор учрашувлари натижалари билан танишишингиз мумкин.

Яккалик баҳслари:

Анна Каролина Шмидлова – Мария Саккари 6:3, 2:6, 6:4.

Куруми Нара – Даяна Естремская 7:5, 6:2.

Жуфтлик баҳслари:

Кристина Плискова/Амра Садикович – Наоми Броуди/Чағла Буюкакчай 6:4, 7:5.

Лбдмила Киченок/Надия Киченок – Арина Фолтс/Камола Умарова 6:4, 6:0.

Оқгул Омонмуродова/Виталия Диатченко – Жаклин Чако/Эмили Веблей Смит 2:6, 6:4, 10:6.