Европа чемпионлар лигасининг 2-тури доирасида Мёнхенгладбахнинг "Боруссия" клуби ўз майдонида "Барселона"ни қабул қилди. Мессисиз ўйнашда давом этаётган каталонияликлар қийин ғалабани қўлга киритишди.
Биринчи бўлимда Энрике шогирдлари бир нечта имкониятларга эга бўлиб, улардан фойдалана олишмади. Майдон эгаларининг қарши ҳужумлари анча хавфли чиқа бошлади ва улар ўз имкониятларидан фойдаланишди. Тўп ўз вақтида Торган Азарга етказилди ва яқин масофадан дарвозани ишғол қилди.
Иккинчи бўлимда Энрике керакли ўзгаришларни қилди. Жамоа ёрқин ўйин кўрсатмаса-да, Испанияга ғалаба билан қайтиш имконини топди. 65-дақиқада меҳмонлар рақиб жарима майдончаси атрофида прессинг орқали тўпни олиб қўйишди. Неймар аниқ узатма билан Туронни бирга-бир вазиятга чиқарди. Арданинг зарбаси тўсин остида тўрга бориб тушди.
Орадан 10 дақиқа ўтар-ўтмас меҳмонлар ғалаба тўпини киритишди. Неймар бурчак тўпини ўйинга киритди ва Суарес 15 метрлардан кучли зарба берди. Зоммер тўпни қўлидан чиқариб юборди. Ўша жойда турган Пике дарвозани ишғол қилди.
"С" гуруҳида "Манчестер Сити" сафарда "Селтик" билан дуранг ўйнаши натижасида "Барселона" гуруҳнинг яққол пешқадамига айланди.
Европа чемпионлар лигаси, "С" гуруҳи, 2-тур
"БОРУССИЯ" М.- "БАРСЕЛОНА" - 1:2 (1:0)
Голлар: 1:0 – 34 Азар, 1:1 – 65 Туран, 1:2 – 73 Пике.
Боруссия М – Зоммер, Эльведи, Кристенсен, Вендт, Корб, Траоре, Дауд, Крамер, Азар (Херрманн, 80), Раффаэл (Джонсон, 48), Штиндль (Хан, 83).
Барселона – тер Штеген, Суарес, Пике, Альба, Бускетс, Маскерано, Ракитич (Туран, 59), Серджи Роберто, Иньеста, Неймар, Пако Алькасер (Рафинья, 54).
Огоҳлантиришлар: Маскерано (63), Пике (70), Неймар (90).
