Англия футбол уюшмаси (ФА) коррупцияга алоқадорликда айбдор деб топилган ҳамда истеъфога чиқарилган Сем Эллардайс ўрнини эгаллайдиган мутахассис номини ҳали аниқлагани йўқ, аммо жамоанинг вақтинча устози номини эълон қилди. Бу ҳақда «Корреспондент.net» хабар бермоқда.

Англия ёшлар терма жамоасини бошқарган 46 ёшли мутахассис Гарет Саутгейт вақтинча бош жамоани бошқариб туради.

Уотфордда туғилган Саутгейт футболчилик фаолиятида давомида «Кристал Пэлас», «Астон Вилла» ва «Мидлсбро» клубларида тўп сурган.

Саутгейт Англия терма жамоаси сафида 57 ўйин ўтказиб, 2 та гол уришга муваффақ бўлган.

Саутгейт ёзда, Сем Эллардайс миллий терма бош мураббийи этиб тайинланишидан аввал Англия термасини бошқариш имкониятига эга бўлган эди. Бироқ ўшанда у бу таклифни қабул қилмаган эди.

Гарет Саутгейт камида тўртта ўйинда Англия термасига устозлик қилади. ЖЧ–2018 саралаш турнирида «Уч шерлар»нинг навбатдаги рақиблари Малта, Словения, Шотландия ва Испания бўлади.

Англия ёшлар терма жамоасини эса Эйди Бутройд қабул қилиб олади.