"Насаф" - "Металлург" (3:0) учрашувидан кейин бўлиб ўтган матбуот анжуманида дастлаб “Металлург” жамоаси бошлиғи Шавкат Саидов иштирок этди.

- Бугун мавсумдаги энг ёмон ўйинимизни ўтказдик. Жароҳатланганларнинг йўқлиги ҳам панд берди. “Бухоро” жамоаси билан бўлган учрашувдаги мағлубият ҳам жамоамиз руҳиятига таъсир қилган бўлиши мумкин.

Зоҳид Абдуллаев? У ўйиндан олдин тиззасидан шикоят қилганди. Шу сабаб  шифокорлар уни майдонга тушмаслиги лозимлигини айтишди.  Унинг қачон майдонга қайтиши тўрт беш кунда аниқ бўлади.

Умуман олганда бугун  “Насаф”  бизга нисбатан ҳар жабҳада устунлик қилди. Жамоанинг ёш ўйинчилари ҳам тажрибали футболчилари ҳам жуда ажойиб ўйин намойиш этишди.

“Насаф”да маҳоратли футболчилар жамланишган. Улар яратилган вазиятлардан самарали фойдаланишди. Бизда эса таркибизда кўплаб ёш футболчилар тўп тепишмоқда. Уларнинг тажрибасизлиги натижага таъсир ўтказди.