Англия Премьер-лигасининг 7-тури доирасида "Ливерпуль" сафарда "Суонси" меҳмони бўлди. Юрген Клопп шогирдлари қийин учрашувда иродали ғалабани қўлга киритишди.

Ўйиннинг 8-дақиқасида мезбонлар ҳисобни очишга муваффақ бўлишди. Бурчакдан етказилган узатмани "Суонси" футболчиларидан бири дарвозабон майдончасининг олис бурчагидан дарвоза томон бурди, иккинчи эса тўпни янада ичкарига ўтказди. Фер дарвоза чизиғи олдида дарвозани ишғол қилди.

Биринчи бўлимда мерсисайдликларнинг ўйини қовушмади, улар рақиб дарвозаси олдида голга тортадиган вазият ярата олишмади. Аксинча, танаффусга қадар устунлик асосан уэльсликлар томонида бўлди.

Иккинчи бўлимда "Ливерпуль" ўз ўйинини кучайтирди ва ғалаба қозонишга муваффақ бўлди. Жаримадан етказилган узатма жонли деворга тегиб қайтди, такрорий узатмадан сўнг Фирмино бош билан дарвозани ишғол қилди.

Ўйин тугашига 6 дақиқа қолганида "Суонси" дарвозаси томон пенальти белгиланди. Жеймс Милнер 11 метрли жарима зарбасидан самарали фойдаланди ва жамоасини ҳисобда олдинга олиб чиқди.

Қўшиб берилган дақиқаларда мезбонлар ҳисобни тенглаштиришлари мумкин эди. Ўнг қанотдан етказилган узатмага Майк ван дер Хорн дарвозасига 6-7 метрлардан зарба берди, аммо тўп устун ёнидан ўтиб кетди.

Ушбу ғалабадан кейин "Ливерпуль" ўз очколарини 16тага етказиб олди ва пешқадамлар сафида боришда давом этмоқда.

АПЛ, 7-ТУР
Суонси – Ливерпуль 1:2 (1:0, 0:2)
Голлар: 1:0 – 8 Фер, 1:1 – 54 Фирмино, 1:2 – 84, пенальти Милнер.
Суонси – Фабианьски, ван дер Хорн, Нотон, Ранхель, Амат, Бриттон (Ки Сон Йонг, 63), Корк, Фер (Фултон, 72), Сигурдссон, Раутлеж (Барроу, 62), Бастон.
Ливерпуль – Кариус, Матип, Ловрен, Клайн, Коутиньо, Лаллана (Старриж, 23), Фирмино (Ориги, 85), Вейналдум (Эмре Жан, 85), Мане, Хендерсон, Милнер.
Огоҳлантиришлар: Хендерсон (25), Корк (38), Старриж (39), Бриттон (53).