WTA бош директори Стив Саймон теннис ўйинларининг вақтини қисқартириш лозимлиги ҳақида гапирди.
«Теннисда ўйиннинг вақтини қисқартириш лозим. Бу бизга телеэфир билан боғлиқ муаммоларни ҳал қилишга ёрдам беради, мухлисларни ушлаб туриш имкониятини туғдиради. Бу спорт турига бўлган қизиқишни ошириш учун қиладиган ишлар кўп.
Айни пайтда телеаудиториянинг диққатини жалб қилиш вақти қисқариб бормоқда. Баъзи одамлар учун 20 сонияли видео ҳам жуда узоқ.
Теннисда қоидаларни ўзгаришига қарши чиқувчи консерваторлар бир талай. Аммо тан олишимиз керак, уч соат давом этадиган ўйинларни камдан-кам одам томоша қилади» - деди Саймон Sport360 хабарида.
