"Қўқон-1912" 25-турни сафарда чемпионат пешқадами “Локомотив”га қарши ўтказиб, йирик ҳисобда мағлубиятга учради.
Ушбу баҳс олдидан таркибимизда жиддий йўқотишлар бор эди. Масалан, сариқ карточкалари тўпланиб қолгани боис, Никола Валентич ва Достон Турсуновлар ушба учрашувини ўтказиб юборишга мажбур бўлишди.
11-дақиқда ҳисоб очилди. Икром Алибоевнинг ўнг қанотдан жарима майдончасига узатиб берган тўпини Кахи Махарадзе боши билан дарвозага аниқ йўллади -1:0.
Баҳснинг 36-дақиқасида Темур Кападзе гол уриб, ҳисобни оширди – 2:0.
Биринчи бўлим тугашига 5 дақиқа қолганида Сардор Мирзаев меҳмонлар дарвозасига учинчи голни урди – 3:0. Танаффусга жамоалар шу ҳисобда чиқиб кетишди.
Иккинчи бўлимни футболчиларимиз фаолроқ бошлашди.
53-дақиқада ИброҳимРаҳимов жарима майдончаси ичида Махарадзени алдаб ўтиб, ерлатиб узоқ бурчакка зарба берди. Тўп ноаниқ кетди.
73-дақиқада ўнг қанотдан узатиб берилган тўпни Зокиржонов тўхтатмасдан дарвозага йўллади. Нестеровдан ажойиб сейв.
Баҳснинг 75-дақиқасида Марат Бикмаев ҳимоячининг хатосидан сўнг яна гол урди – 4:0.
Учрашувнинг 83-дақиқасида амоамизнинг хавфли ҳужуми уюштиришди. Раҳимов-Бердиев комбинациясидан кейин Суҳроб дарвозага кучли зарба йўллади. Тўп тўсинга тегиб қайтди.
Учрашув шу ҳисобда якун топди.
Олий лига. 25-тур
«Локомотив» (Тошкент) – «Қўқон-1912» (Қўқон) 4:0 (3:0)
Ҳакамлар: Ҳ. Рўзиев (Тошкент), О. Абдувосилов (Тошкент), С. Шоюсупов (Тошкент), Н. Қосимов (Қарши)
Голлар: Кахи Махарадзе 11, Темур Кападзе 36, -Сардор Мирзаев 40, Марат Бикмаев 75.
“Локомотив”: 1.Игнатий Нестеров, 4.Бобурбек Йўлдошев, 5.Кахи Махарадзе (20.Ислом Тўхтахўжаев, 75), 11.Темурхўжа Абдухолиқов (10.Марат Бикмаев, 65), 13.Неманья Яничич (22.Санжар Шоаҳмедов, 46), 15.Сардор Мирзаев, 17.Салим Мустафоев, 18.Тимур Кападзе, 28.Икром Алибоев, 37.Шерзод Файзиев, 71.Артур Геворкян.
Захира: 12.Маъмур Икромов, 7.Садриддин Абдуллаев, 8.Сервер Жепаров, 33.Олег Зотеев.
“Қўқон-1912”: 13.Никита Рибкин, 4.Миржалол Қурбонов (15.Маъруф Зокиржонов, 46), 5.Жалил Кимсанов, 7.Отабек Зокиров (28.Абдуллоҳ Олимов, 46), 9.Носир Отақўзиев (10.Отабек Ҳайдаров, 70), 14.Авазхон Маматхўжаев, 55.Дарко Гожкович, 70.Собир Ҳамидов, 75.Иброҳим Раҳимов, 90.Суҳроб Бердиев, 99.Жавоҳир Сидиқов.
Захира: 1.Руслан Матниязов, 22.Ориф Мамажонов, 49.Шохрух Холматов, 80.Нодирбек Йўлдошев.
Назоратчи: Ш. Жумаев (Қарши).
ЎзПФЛ вакили: С. Ризаев.
