«Арсенал» бош мураббийи Арсен Венгер Англия чемпионатининг 8-туридан ўрин олган «Суонси» (3:2) клубига қарши ўйиндан кейин ўз фикрини маълум қилди.

«Икки тўп фарқи билан олдинда бораётганимизда хотиржамликка берилдик. Натижада очко йўқотишимизга сал қолди. Шунинг учун ҳам ўйинимизга ижобий баҳо беришдан иккиланяпман. Тўғри, «Ман Сити» билан очколар борасида тенглашиб олдик, лекин ҳали масофа узоқ.

Жакани четлатилиши? Бу тўқ сариқ рангли карточкага тортар эди, ҳакам эса оч қизил ранглини кўрсатди» - деди Венгер.