«Тоттенхэм Хотспур» бош мураббийи Маурисио Почеттино Англия чемпионатининг 8-туридан ўрин олган «Вест Бромвич Альбион»га (1:1) қарши ўйин ҳақида ўз фикрини маълум қилди.
«Уч очко олиш имкониятини қўлдан бой бердик. Ўйин ҳам қийин кечди. Агар 5-6 вазият яратиб, ундан фойдалана олмасангиз, рақибга имконият берган бўласиз.
АПЛ — дунёнинг энг яхши лигаси, шунинг учун ҳам бу ерда ўйнаш қийин. Очко йўқотганимизга қарамасдан, «Тоттенхэм»нинг ўйинидан мамнунман. Рақиб дарвозабони эса ўйиннинг энг яхши футболчиси бўлди» - деди мураббий Sportsmole хабарида.
