Болгария чемпионатидаги бош дерби – ЦСКА - «Левски» ўйини камдан-кам ҳолларда тинч ва осойишта ўтади.
Ҳар иккала жамоа мухлислари иложи борича бир-бирини камситиш, таҳқирлаш ва хўрлаш пайида бўлади. Бу сафар ҳам, икки жамоа тўқнашуви «томоша»сиз ўтмади.
Айниқса «Левски» мухлислари бу борада ҳаммадан ўзиб кетишди. Улар ўйиндан олдин мотам либосларига бурканиб, тобут олиб борадиган машина – катафалкка буюртма бериб, унинг капотида ЦСКА белгиси тимсоли бўлмиш атиргулни жойлаштириб, руҳоний кийимини кийган шахсниям топиб, стадион томон мотам маршида иштирок этишди ва рақибни «дафн» қилиш маросимини ўтказишди.
