«Арсенал» бош мураббийи Арсен Венгер жамоа ярим ҳимоячиси Месут Ўзил билан янги шартнома борасида музокаралар қандай кечаётгани ҳақида маълумот берди. Амалдаги шартномаси 2018 йилда якунига етадиган германиялик ўйинчи янги келишув орқали кўпроқ маош олишни истамоқда. Чемпионлик учун кураш олиб бораётган «Арсенал» сўнгги марта 2014 йилда АПЛда ғолиб чиққан.
«Агар сизда катта ва яхлит маблағ бўлса, менга қўнғироқ қилинг. Ўйлайманки, Месутни кўндириш учун алоҳида ҳаракат қилиш шарт эмас. У шундоқ ҳам "Арсенал"да қолишдан хурсанд. Гап фақат пулда эмас. Жамоа чемпионлик учун кураш олиб бормоқда. Ҳозирги ҳолатимизга қаранг. АПЛда "Манчестер Сити", "Манчестер Юнайтед", "Ливерпуль", "Челси", "Тоттенхэм" жамоалари бор ва уларнинг барчаси чемпионлик учун кураш олиб бормоқда. Лекин ҳеч кимга ғолиблик кафолатланмаган.
Музокаралар олиб борилмоқда. Вақти келиб бу ҳақида маълумот берамиз. Албатта "Арсенал" ўзининг энг яхши футболчиларини сақлаб қолишни истайди», — дейди Венгер.