«Манчестер Юнайтед» бош мураббийи Жозе Моуриньо «Челси» клубини қандай тарк этгани ҳақида гапириб берди.
«Абрамович мени бўшатишга қарор қилди. Мен билан ҳеч ким ҳисоблашиб ўтирмади. Клуб хўжайини шу қарорга келди, менга эса буни етказишди. Истеъфони хотиржамлик билан қабул қилдим ва қоғозларни имзоладим.
Истеъфо – футболнинг бир қисми. Барча мураббийлар умрида бир марта бўлса-да истеъфога чиқарилади. Албатта мустасно ҳолатлар бор. Аммо замонавий футболда бу ҳар қандай мураббий билан юз бериши мумкин. Мен клубни хотиржам тарк этганман. Чунки чемпион бўлишга эришганман, фанатларга қувончли лаҳзаларни тақдим қилганман» - деди Моуриньо Sky Sports хабарида.
Эслатиб ўтамиз, АПЛнинг навбатдаги турида «МЮ» «Челси»га қарши ўйнайди.
