Турин шаҳри маъмурияти «Наполи» мухлисларига 29 октябрь куни ўтказиладиган «Ювентус»га қарши ўйинга келишни тақиқлади.
Мухлислар орасида юзага келиши мумкин бўлган тўқнашувларнинг олдини олиш мақсадида «Ювентус Стэдиум»нинг меҳмонлар учун мўлжалланган сектори ёпилади.
Турин шаҳрининг хавфсизлик қўмитаси ҳар иккала клуб мухлислари орасидаги зиддиятлар туфайли шу қарорни қабул қилишга мажбур бўлди.
Ўтган мавсумда ҳам ҳар иккала клуб вакиллари меҳмон мухлисларни стадионга киритмаган эди.