«Валенсия» бош мураббийи Чезаре Пранделли испания чемпионатининг 9-туридан ўрин олган «Барселона»га қарши ўйиндан олдин ўз фикри билан ўртоқлашди.
«Барселона»га қарши ўйиндан олдин хотиржам ухлайман, чунки Мессини тўхтатиб қолиш учун ҳеч қандай схема мавжуд эмас. Дунё болалари Мессидек бўлишни истайди, чунки у ажойиб футболчи. Унга қарши ўйнаш - биз учун шараф.
Ўйинга келадиган бўлсак, диққат-эътиборни сусайтирмасдан, тактика жиҳатидан тартибли ўйнашимиз лозим. Тўпни йўқотишимиз билан, рақибни прессинг остига олишимиз лозим» - деди Пранделли Reuters хабарида.
«Валенсия» — «Барселона» ўйини 22 октябрь куни ўтказилади.
