«Манчестер Сити» бош мураббийи Хосеп Гвардиола «Барселона» (0:4) клубидан учралган мағлубият туфайли услубини ўзгартирмаслигини маълум қилди.
«Шуни истайсизларми? Бу ҳақда ўйлаб кўрганман, аммо ҳеч нарсани ўзгартирмайман. Чунки шу услуб билан 7 йилда 21 соврин ютганман.
Агар мен келганимдан сўнг уч ой ўтгач, «Сити» «Камп Ноу»га бориб 4:0 ҳисобида ғалаба қозонади деб ўйласангиз, хато қиласиз. Мен бу ерга уч йил муддатга келганман. «Барселона»да ҳам, «Бавария»да ҳам уч ойда ҳеч нарсага эришолмаганман. Уч йилдан сўнг эса энг яхши бўлганман» - деди Гвардиола.
