«Манчестер Сити» бош мураббийи Хосеп Гвардьола АПЛ 9-туридан ўрин олган «Саутгемптон»га (1:1) қарши ўйиндан кейин ўз фикрини маълум қилди.

«Иккинчи бўлимни яхшироқ ўтказдик. Биринчи таймда ҳимоядаги хато бизга қимматга тушди. Тўпни рақибга совға қилмасдан ўйнасак яхшироқ бўларди.

Сўнгги ўйинларни таҳлил қилиб чиқишимиз лозим. «Тоттенхэм»га (0:2) қарши ўйинни ҳисобга олмаганда, барча ўйинларни яхши ўтказдик. Дастлабки 10та ўйинда қандай ўйнаган бўлсак, сўнгги бешта ўйинда ҳам шундай ўйнадик» - деди Гвардиола.

Эслатиб ўтамиз, «Ман Сити» 5 ўйиндан буён ғалаба нималигини билмаяпти.