Чемпионлар лигасидан ўрин олган «Арсенал» - «Лудогорец» (6:0) ўйинида «Эмирейтс Стэдиум»да 5 мингга яқин ўриндиқ бўш қолган.

Стадионга келмаган мухлисларнинг аксарияти мавсумий абонемент соҳиби бўлган.

«Агар мавсумий абонементларни сотиб олганлар фақат кучли рақибларга қарши ўйинларга ташриф буюрмоқчи бўлса, у ҳолда бундай одамларни абонементдан маҳрум қилиш керак. Чунки стадион ташқарисида бу ўйинни кўриш учун ташриф буюрган қанчадан-қанча одам қолиб кетди» - деди канонирларнинг вакилларидан бири.

Хабарга кўра, «Арсенал» бундай мухлисларни абонементдан ёки келаси мавсумда уни сотиб олиш ҳуқуқидан маҳрум қилиши мумкин.