«Астон Вилла» клубининг собиқ бош мураббийи Тим Шервуднинг гапига кўра, «Манчестер Юнайтед» захирасига михланиб қолган Майкл Кэррик «Манчестер Сити» клубига ўтиши керак.

«Тўп билан муомала қилишда Майклга тенг келадигани кам. У тўпни ўзида кўпроқ ушлаб турмайди. У АПЛнинг исталган клубининг орзуси.

Масалан, «Сити» Кэррикка муҳтож. Уларда Фернандо ва Фернандиньо бор. Аммо бу футболчилар Кэррик бажарган ишни қилолмайди. Гвардиола «Барселона»сида бу иш билан Бускетс шуғулланган, «Бавария»да — Хаби Алонсо, Кэррик эса уларнинг нусхаси.

Агар у «МЮ» клубига керак бўлмаса, «Сити» уни январда олади» - деди Шервуд.