Футбол бўйича Болгария чемпионатининг 11-туридан ўрин олган «Лудогорец» ва «Локомотив» ўртасидаги ўйин майдонга учиб келган ўрдак туфайли бир муддатга тўхтатилди.
Ушбу ҳолат учрашувнинг биринчи бўлимига қўшиб берилган дақиқаларда юз берди. «Локомотив» дарвозабони Николай Банков паррандани майдондан олиб чиқмоқчи бўлди, аммо уни ушлай олмади.
Учрашув бош ҳаками Стефан Апостолов биринчи бўлимга якун ясашга қарор қилди. Танаффусдан вақтида ўрдак майдонни тарк этди.
Болгарлия чемпиони «Лудогорец» мазкур ўйинда 4:0 ҳисобида зафар қучди.
