Олий лиганинг 27-турида Наманганнинг "Навбаҳор" жамоаси ўз уйида Навоийнинг "Қизилқум" жамоасини қабул қилади.

29 октябр, шанба. 16:00
«Навбаҳор» (Наманган) – «Қизилқум» (Навоий)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Раҳимов (Андижон)
Назоратчи: А. Абдуллаев (Тошкент).
ЎзПФЛ вакили: А. Фролов.

Бу икки клубнинг йўллари олий лига ўйинларида 33 бор кесишган. Устунлик “Навбаҳор” томонида. 12та ўйинда наманганликларнинг қўли баланд келган бўлса, 10 та учрашувда “Қизилқум” ғолиб бўлган. 11та баҳсда ғолиб аниқланмаган. Тўплар нисбати ҳам “Навбаҳор” фойдасига. “Лочинлар” шу кунга қадар ўзаро ўйинларда 43та тўп киритиб ўз дарвозаларидан 35 марта тўп олиб чиқишган. Ўзаро ўйинларда “Навбаҳор” 47 очкони, “Қизилқум” эса 41 очкони қўлга киритган. 

“Навбаҳор” олий лигада “Қизилқум” устидан 4:0 ҳисобида ғалаба қозонган. Бу ўзаро ўйинлардаги наманганликларнинг энг йирик ғалабаси ҳисобланади. “Қизилқум”нинг ўзаро ўйинлардаги ушбу рақиб устидан эришган энг йирик ғалабаси эса 3:0 га тенг.

Дастлабки даврада ташкил этилган учрашувда "Қизилқум" минимал ҳисобда (1:0) "лочинлар"ни мағлуб этганди. 


“Навбаҳор” майдонида бўлиб ўтган сўнгги беш учрашув: 
30.10.2015 «Навбаҳор» - «Қизилқум» 2:1
17.10.2014 «Навбаҳор» - «Қизилқум» 2:0
18.10.2013 «Навбаҳор» - «Қизилқум» 1:0
17.03.2012 «Навбаҳор» - «Қизилқум» 0:0
24.09.2011 «Навбаҳор» - «Қизилқум» 3:0


Ўзаро ўйинлар ҳақида факт: Бу жамоалар ўртасидаги “Навбаҳор” майдонида ўтган ўйинларда 6 марта дуранг қайд этилган. 8 марта “лочинлар” ғалабага эришишган. Қолган икки ўйинда “Қизилқум” сафарда муваффақиятга эришган. Охирги уч йилда “Қизилқум” Намангандан очко билан қайтмаган.