«Барселона» раҳбарияти Ла Лига президенти Хавьер Тебас ва ташкилотнинг интизом қўмитаси аъзоларини судга беради. Бу ҳақида «Барселона» президенти Жозеп Бартомеу хабар берган.
Эслатиб ўтамиз, «Валенсия» ва «Барселона» ўртасидаги кечган учрашувнинг сўнгги дақиқаларида Лионел Месси пеналтидан гол киритиб, жамоасининг 3:2 ҳисобида ғолиб чиқишига ёрдам берган эди. Голни нишонлаш чоғида футболчилар бошига сув идиши отилган ва каталониялик футболчилардан бир нечаси бошини ушлаб, ерга йиқилган эди. Хавьер Тебас «Барселона» футболчиларини симуляцияда айблаб, фикр билдиргани учун каталонияликлар уни судга беришади.
– Тебас томонидан қилинган баёнот масъулиятсизлик ва спорт мутасаддисига ярашмайдиган ҳолат. Агар спорт арбитраж суди жазо учун асос топса, керакли чора қўлланиши турган гап.
Интизом қўмитаси эса футболчиларнинг ҳаракатига изоҳ бериб, вазиятни кескинлаштириш ўрнига, унга ечим топиши лозим. Биз зўравонликни келтириб чиқарадиган ҳолатга нисбатан адолатли жазо бўлишига умид қилмоқдамиз, – дейди Бартомеу.
