Ўтмишнинг машҳур футболчиси Райан Гиггз «Ливерпуль» клубининг жорий мавсумдаги имкониятларига баҳо берди.
«Ливерпуль» жорий мавсумда чемпионлик учун курашмоқда. Жеррард кетганидан сўнг «Ливерпуль»да катта юлдузлар қолмади, бироқ бу жамоага ижобий таъсир қилиши мумкин.
Рой Кин ҳам «МЮ»ни тарк этганида шундай бўлган эди. Йиллар давомида у майдонда икки кишини ўрнини босиб келаётганди. Аммо кетганидан сўнг, жамоа бўшлиқни тўлдириш учун жипслашиб олди.
Ҳозир «Ливерпуль»да иқтидорли Коутиньо ва Жордан Хендерсон бор. Клуб аста-секин бир футболчига таянишдан узоқланмоқда» - деди Гиггз Goal хабарида.
