«МЮ» клубининг собиқ бош мураббийи Алекс Фергюсон «Ливерпуль» клубининг АПЛ чемпиони бўлиш имкониятларига баҳо берди.
«Юрген Клопп «Ливерпуль»да яхши ўзгаришларни амалга оширди. Немис мутахассиси футболчиларда иштиёқ уйғотиб, жамоанинг ўзига хос ўйин услубини яратди. Сўнгги йилларда клубда кўплаб мураббийлар иш олиб борган эди, аммо айни пайтдаги ўйини ҳаммани ҳайрон қолдирмоқда.
Жорий мавсумда «Ливерпуль» рақиблар учун етарли хавф туғдира олади ва чемпионлик учун курашади. Клопп – жуда кучли шахс. Бундай иродага эга мураббий ҳар қандай топ-клубга керак» - деди Фергюсон Sky Sports хабарида.
