«Сток Сити» бош мураббийи Марк Хьюз Премьер-Лига қоидаларига ўзгариш киритиб, нафақат қизил карточкаларни, балки сариқ карточкаларни ҳам бекор қилиш кераклини маълум қилди.
«Бу муаммони кўриб чиқиш керак. Нега қизил карточкалар бекор қилиниши мумкин, аммо сариқ карточкалар мумкинмас? Ахир маълум миқдорда сариқ карточкалар тўпланса, футболчи кейинги ўйинни ўтказиб юборадику? Бу ҳақда ҳатто бош ҳакамни фикриниям билиш тақиқланган», — деди Хьюз.
Эслатиб ўтамиз, «Сток Сити» - «Суонси» (3:1) ўйинида Арнаутович сариқ карточка билан жазоланган, такрорий лавҳа эса уни қоида бузмаганини кўрсатган эди. Натижада футболчи чемпионатдаги 5-карточкасини олиб, «Вест Хэм»га қарши ўйинни ўтказиб юборадиган бўлди.
