Бугун Ўзбекистон чемпионати Олий лигасида 28-тур ўйинлари бошланади.

«Қизилқум» ўз майдонида «Локомотив»ни, «Андижон» эса «Бунёдкор»ни қабул қилади.

Қизиғи шундаки, Тошкентнинг «Локомотив» клуби маълум шартлар бажарилса, шу бугуноқ ўз тарихида илк маротаба Ўзбекистон чемпиони бўлиши мумкин.

Бунинг учун «Локо» Навоийда ғалаба қозониши, «Бунёдкор» эса Андижонда мағлубиятга учраши керак.

Акс ҳолда, бош соврин масаласи кейинги турларга қолдирилади.

Айни пайтда, мусобақа тугашига 3 тур қолганда, «Локомотив» энг яқин таъқибичиси «Бунёдкор»ни 4 очко ортда қолдирмоқда.