Англия терма жамоаси бош мураббийи вазифасини вақтинча бажарувчи Гарет Саутгейт доимий асосда бу лавозимда ишлаш ҳақида ўйлаб кўрмаганини маълум қилди.
«Англия футбол федерацияси билан 4та ўйинга келишиб олганмиз. Шундан сўнг мени ишимга баҳо бериб, FA якуний қарор чиқаради.
Агар менга терма жамоани доимий асосда бошқариш таклифи берилса, буни ўйлаб кўраман. Чунки жамоани уч ой бошқариш билан уч йил бошқариш орасида катта фарқ бор.
«Ҳа, бу лавозимда ишлашга тайёрман» - дейиш билан иш битмайди. Бу қарор оиламга ва соғлиғимга қандай таъсир этишини ўйлаб кўришим шарт» - деди Саутгейт.
