Қозоғистоннинг "Ордабаси" клуби келаси мавсум учун Европа лигаси йўланмасини қўлга киритди, дея хабар беради Vesti.kz.
"Атирау" клуби Қозоғистон кубоги яримфиналида "Қайрат"дан ўта олмади. "Атирау" мамлакат кубогини қўлга киритганида ёки финалда мамлакат чемпиони "Астана" билан тўқнаш келганида еврокубоклар ўйнаши мумкин эди. Энди унинг ўрнига 2016 йилги мавсумнинг тўртинчи ўрини соҳиби - "Ордабаси" Европа лигасида қатнашади.
Эслатиб ўтамиз, чимкентликлар сафида Ўзбекистон терма жамоаси ҳужумчиси Александр Гейнрих тўп суради.