«Манчестер Сити» бош мураббийи Хосеп Гвардиола «Мидлсбро» (1:1) клубига қарши ўйиндан кейин ўз фикрлари билан ўртоқлашди.
«Ғалаба қозониш учун ҳамма нарсани қилдик, бироқ сўнгги дақиқада гол ўтказиб юбордик. Афсус.
«Барселона» устидан қозонилган ғалаба бизга салбий таъсир қилди деб ўйламайман. Олти ёки еттита жуда яхши имкониятларга эга бўлгандик, уларни голга айлантира олмадик.
Қоқилганимизни тан оламан, бироқ чемпионат ҳали узоқ давом этади. Ўз майдонимиздаги сўнгги уч ўйинда 6 очко йўқотдик, бироқ ҳалиям пешқадамлар сафида бормоқдамиз. Олдинга ҳаракатланишда давом этамиз» - деди Гвардиола.
