«Севилья» бош мураббийи Хорхе Сампаоли Испания чемпионатининг 11-туридан ўрин олган «Барселона» клубига қарши ўйиндан олдин ўз фикрлари билан ўртоқлашди.
«Олтин тўп» иккита бўлиши керак. Бири Месси учун, иккинчиси қолганлар учун.
Олдинда бизни жуда қийин ўйин кутмоқда, агар тўғри ўйнамасак, мағлубиятга учраймиз. Дунёнинг энг яхши икки клубидан бирига қарши ўйнаш учун, диққат-эътиборни бир зум ҳам сусайтирмаслик керак. Агар «Барселона» ва «Реал»ни мағлуб эта олсак, ўзимизга бўлган ишончни оширамиз. Агар 100 фоиз куч сарфламасак, бунга эришолмаймиз.
«Севилья» ўсмоқда, ривожланмоқда, аммо рақиб сафида жуда кучли футболчилар бор. «Барселона» - дунёнинг энг яхши клубларидан бири. Улар тўпни назорат қилишга ҳаракат қилади. Уни эгаллаб олгач эса, Месси, Суарес ёки Неймарга етказишга уринади», – деди Сампаоли.