"Реал" бош мураббийи Зинедин Зидан жамоа ҳужумчиси Криштиану Роналдунинг клуб билан шартномасини узайтиришига изоҳ берди.
"Роналдунинг "Реал" билан шартномасини узайтиришидан бахтиёрман. У фаолиятини шу ерда якунлаши керак. Унинг бажарган ва бажараётган ишлари - ўзига хос. Криштиану фаолиятини "Реал"да якунламоқчи, биз эса бундан хурсандмиз. У оқ футболкани ечмай туриб, бутсаларини михга илиши мумкин. Худди мен каби", - дейди Зидан.
Испан матбуотининг хабарларига кўра, португалиялик футболчи келаси ҳафтада мадридликлар билан шартномасини узайтиради.