«Ливерпуль» бош мураббийи Юрген Клопп «Уотфорд»га қарши учрашувдан сўнг ўз фикрлари билан ўртоқлашди.

Эслатиб ўтамиз, АПЛ 11-тури доирасида бўлиб ўтган учрашувда «Ливерпуль» рақиби «Уотфорд»ни 6:1 ҳисобида мағлуб этди.

Мазкур ғалабадан сўнг «Ливерпуль» 2014 йил майидан бери биринчи марта АПЛда яккапешқадамга айланиб олди. 

«Мавсумнинг ҳал қилувчи қисми учун ҳозирдан очко тўплаб қўйиш муҳим аҳамиятга эга. Кўрамиз, чемпионат якунига яқин вазият қандай кўриниш оларкин», - деди мураббий. 

«Мен ҳозир мусобақа жадвалидаги вазиятга эътибор қаратаётганим йўқ. Муҳими, биз яхши футбол кўрсатмоқдамиз», -деди германиялик мутахассис. 

«Сўнгги йилларда «Ливерпуль» билан турли ҳодисалар юз берганидан хабарим бор. Бироқ бу бу 2-3 йил аввалги жамоа эмас, бу янги жамоа. Биз нимадандир қўрқишимиз ёки ноябрда ниманидир исботлашимиз шарт эмас», - деди Клопп.