«Милан» бош мураббийи Винченцо Монтелла «Палермо» (2:1) клубига қарши ўйиндаги ғалаба ҳақида гапирди.

«Лападула гол урганидан хурсандман. Кам майдонга тушаётган бўлсада, унинг жанговар руҳи кучли. У бир неча дақиқа ўйнаш имконияти учун астойдил меҳнат қилмоқда.

«Палермо» устидан қозонилган ғалаба муҳим. Бизда баъзи муаммолар бор эди. Ғалаба қозонаётган пайтда хотиржам ҳаракат қиласан. Иккинчи бўлимда майдонни топшириб қўйдик, натижада рақиб ҳисобни тенглаштирди.

Шундан сўнг кўзимиз очилди. Гол уриш учун руҳият, жисмоний тайёргарлик ва кучимиз етди. Мана шу жамоавий руҳдир» - деди Монтелла.